شاعیر: مەزڵووم (١٩١٦-١٩٥٥)
زمان: کوردیی ناوەندی
قاڵب: غەزەل
کێش: فاعلاتن فاعلاتن فاعلاتن فاعلن 
{literal} {/literal}
ئەی وەتەن موشتاقی تۆیە کورد زوبانی سەر زەمین
ئەی وەتەن موشتاقی تۆیە کورد زوبانی سەر زەمین
ئارەزووی گەرمییانە، عاشقی کوێستانی شین
تۆزی خاکی کوردستانە، سورمەیە بۆ چاوی کورد
وردە بەردت چەشنی گەوھەر، پووشەکانت یاسەمین
ئاوی سافی چەشمەکان و شەوقی بەفری کێوەکان
ھاڕە ھاڕی نەھرەکانت میسلی فیردەوسی بەرین
ھەر زەمانێ تۆ کە پۆشیت بەرگی سەوزی نەوبەھار
دێتە سەیرانت بە جارێ چەن جوانی نازەنین
ڕۆژی سەیرانە، ئەبینم تاقمی کوردی جوان
دێن و دەڕۆن وا بە نەشئەو دم بە کەیف و پێکەنین
ئێمە ئەولادی کوردین و کوردستانە جێگەمان
بۆ تەرەقی نیشتمانی و بۆ عیلم تا چین دەچین
ئەی جوان و لاوی کورد عیلم و زانین فەرزە بۆت
با بخوێنین با سەعی کەین تا لە عالەم دەرکەوین
وەک عەرەب دەستم بە دامان ئەی ڕەفیقانی کورد زوبان
با وەکوو مەزڵووم نەبن چاو بە گریەو دڵ حەزین
شێوازی MLA & APA بۆ شیعری سەرھێڵ
مەزڵووم. «دیوانی مەزڵووم/ئەی وەتەن موشتاقی تۆیە کورد زوبانی سەر زەمین». ڤەژین بوکس. www.vejinbooks.com. سەردانی ڕێکەوتی ٢٠١٩/١٢/١٢.
ئەگەر لەم دەقەدا ھەڵە یان کەموکۆڕی ھەیە تکایە بۆ ئاگادارکردنەوەمان لەسەر ئەم دوگمەیە کلیک بکە: فۆرمی پەیوەندی.