شاعیر: مەزڵووم (١٩١٦-١٩٥٥)
زمان: کوردیی ناوەندی
قاڵب: غەزەل
کێش: فاعلاتن فاعلاتن فاعلاتن فاعلن 
{literal} {/literal}
یا محەمەد من زەلیلی دەستی شەیتانم دەخیل
یا محەمەد من زەلیلی دەستی شەیتانم دەخیل
شەرمەزار و ڕووسیاھ و غەرقی عیسیانم دەخیل
دڵڕەش و بێتاعەت و شەرمەندەیی قاپیەکەتم
بێکەسم، دەربە دەرم، حەبس و زیندانم دەخیل
غەیری لوتفت من پەناھ و پشتیوانم خۆ نییە
یەک نەزەر کە، جاربەجارێ مەردی مەیدانم دەخیل
مەزرەعەی تەقواو تاعەت، وشک و بێ ئاوە تەواو
ئیلتیماس چارە، ئەی ھەوری ڕەحمێ دەخیل
بێ دەلیل و کوێری ڕێگەم، بێ قاید و دەست وعەسا
سەرکز و دڵ حەزینی ڕۆژی میزانم دەخیل
تۆی شەفیعی موزنبین و من زەلیلی دەرگاکەتم
بگرە دەستم موستەحەقی قەعری نیرانم دەخیل
ڕەحمی تۆیە من ئومێدم، ئەی ڕەحمەتەن للعالەمین
منی مەزڵووم دڵ حەزینم دەس بە دامانم دەخیل
شێوازی MLA & APA بۆ شیعری سەرھێڵ
مەزڵووم. «دیوانی مەزڵووم/یا محەمەد من زەلیلی دەستی شەیتانم دەخیل». ڤەژین بوکس. www.vejinbooks.com. سەردانی ڕێکەوتی ٢٠١٩/١٢/١٢.
ئەگەر لەم دەقەدا ھەڵە یان کەموکۆڕی ھەیە تکایە بۆ ئاگادارکردنەوەمان لەسەر ئەم دوگمەیە کلیک بکە: فۆرمی پەیوەندی.