شاعیر: مەولەوی (١٨٠٦-١٨٨٢)
زمان: کوردیی گۆرانی
قاڵب: مەسنەوی
کێش: ١٠ بڕگەیی

مەولەوی ئەم نامەیەی بۆ خەلیفە کەیخەسرەوی ئیمامی نووسیوە
خاڵۆی سەردەفتەر، نازک خەیاڵات
دیباچەی کتاو، ساحیب کەماڵات
سەواد نامەی سورمەسات یاوا
دڵ وە مێڵ مەی وە دیدە ساوا
بیناییم وە چەم باز ئاوەردەوە
مەردەبیم دیسان ئیحیام کەردەوە
تەن زەلیل، دڵ دیل، بەدەن عەلیلەن
چەمەڕای ڕاگەی ڕای ئیزرائیلەن
ڕا تاریک و دوور، مەنزڵ خار و سەنگ
بێ تۆشە و چرا بێ ڕەفیق دڵتەنگ
مەر وە بۆی نەفەس خاڵۆی گیانیوە
یا بە سۆز پیر «تاڵەبانی» وە
بویەروون وەرنە ڕای گوزەر تەنگەن
قافڵەم تا قام قیامەت لەنگەن
شێوازی MLA & APA بۆ شیعری سەرھێڵ
مەولەوی. «ئەو شیعرانەی دراونەتە پاڵی مەولەوی/خاڵۆی سەردەفتەر نازک خەیاڵات». ڤەژین بوکس. www.vejinbooks.com. سەردانی ڕێکەوتی ٢٠١٩/٠٦/١٦.
ئەگەر لەم دەقەدا ھەڵە یان کەموکۆڕی ھەیە تکایە بۆ ئاگادارکردنەوەمان لەسەر ئەم دوگمەیە کلیک بکە: فۆرمی پەیوەندی.