شاعیر: مەلا حەسەنی دزڵی (١٨٥٩-١٩٤٦)
زمان: کوردیی گۆرانی
قاڵب: مەسنەوی
کێش: ١٠ بڕگەیی
پیری
ئینەھا نە وەخت جوانیم بیەن
فەسڵی سەرمەستی و نادانیم بیەن
من جە کردەی وێم پەشیمانیم بەرد
وەعدەی پیریمەن جوانیم ویەرد
جوانیم ویەرد پیریم نمانان
سکەی سفیدیم کول عاڵەم وانان
ئیستە من پیرم پیری زەرئابم
قامەت قەباخم، شەریک ئاخم
داخی گرانم دنیام ویەردەن
پەی ئاخرەتیچ، کارێم نەکەردەن
دنیا بە وێنەی سازی سەرکەشا
پەنج و دوو ڕۆیێ، پەی کەسێ وەشا
چرایێ چون نوور، پەی وێش مەدرەوشۆ
تا وەڕووی دنیا، مەحشەر مەخروشۆ
جیزەی سەماوەر، نیگەی دڵەی تەنگ
شۆڕەی فەوارەی فرمێسکان سەد ڕەنگ
مەتەرسوو بمروو، قەبرەکەم بۆ غار
ئیزرائیل جە دەس ناڵەم بۆ بێزار
مەتەرسوو بمروو، بیابان بۆ جێم
ھامسەران بەیان، نەزانان من کێم
ئارۆ لوانی کۆنەھەواران
داد گرانم، کۆچشا کەرد یاران
نە یاران مەنەن، نە دەوارشان
دیم کە چەن سەنگێ، جە ھەوارشان
پەرسام ئەی سەنگە سیای ڕوو ھەردە:
کۆ کۆنە یاران تۆشان جەم کردە؟
واتش: ئا یاران تۆ پەرسی ئەحواڵ
ئادێ بارشا کەرد، لوەی سیاماڵ
ئارۆ لوانێ یاگەکێو تۆ بێ
بە بۆنەو تۆوە، خاکش وەش بۆ بێ
شێوازی MLA & APA بۆ شیعری سەرھێڵ
مەلا حەسەنی دزڵی. «دیوانی مەلا حەسەنی دزڵی/ئینەھا نە وەخت جوانیم بیەن». ڤەژین بوکس. www.vejinbooks.com. سەردانی ڕێکەوتی ٢٠١٩/٠٨/١٧.
ئەگەر لەم دەقەدا ھەڵە یان کەموکۆڕی ھەیە تکایە بۆ ئاگادارکردنەوەمان لەسەر ئەم دوگمەیە کلیک بکە: فۆرمی پەیوەندی.