شاعیر: مەلا حەسەنی دزڵی (١٨٥٩-١٩٤٦)
زمان: کوردیی گۆرانی
قاڵب: مەسنەوی
کێش: ١٠ بڕگەیی
سڵام کۆساری جوان و شیرینم
سڵام کۆساری جوان و شیرینم
بوارۆ نە چەم سەیلە ئەسرینم
سڵام بە چین چین گۆراڵانی سوور
مەر بە خاو کەروو، بۆ و شەوبۆ و چنوور!
ڕۆجیار بازش دا ئەو بازیبەران
یاران دزڵی، یادمان مەکەران؟
دەروونم بیەن ساجە ماسۆڵە
ئا باخە تازە، ھانەکەرمۆڵە
ئا باخە تازە خەزانش کەردەن؟
یا ئیمساڵ ئاوش، نەوشیروان وەردەن؟
بە سەرگەردت بام باخی دێوانە
مەدیۆنە دزڵی، یانە بە یانە
وەشەن گوراڵان خەیمەی ئا خیابان
ناڵەی بەختەمەڕ جەلای ئەسحابان
وڵ کەردەن بەنا چووزە کڵێڵەم
پووینەی پای شەتاو، نە دەربەن کەڵەم
وەرکەمەر، چنوور، سوور ھەراڵ، شەوبۆ
ھەرکام بە جۆرێ، مەدیانێ پەی یۆ
پیچک لوول واردەن، نەپای تاشەدا
بەڕەزا پەخشەن، وەلای شاخەدا
ئەجیام دماو من کەرەس مەوەران!
دماو من قەزوان کەوە مەکەران!
ھەورامان خاکت، تەڵان، گەوھەرە!
دزڵی دڵگیریت، جە حەد بەدەرە!
واچە پا خەڵکی ھانایی بەرا
بەشکەم جە دزڵی حەشرەما کەرا
پێوە بە جارێ بلمێرە بەھەشت
بلمێ سەیرانە و وەشی و گێڵ و گەشت!
شێوازی MLA & APA بۆ شیعری سەرھێڵ
مەلا حەسەنی دزڵی. «دیوانی مەلا حەسەنی دزڵی/سڵام کۆساری جوان و شیرینم». ڤەژین بوکس. www.vejinbooks.com. سەردانی ڕێکەوتی ٢٠١٩/٠٨/١٧.
ئەگەر لەم دەقەدا ھەڵە یان کەموکۆڕی ھەیە تکایە بۆ ئاگادارکردنەوەمان لەسەر ئەم دوگمەیە کلیک بکە: فۆرمی پەیوەندی.