شاعیر: مەلا حەسەنی دزڵی (١٨٥٩-١٩٤٦)
زمان: کوردیی گۆرانی
قاڵب: مەسنەوی
کێش: ١٠ بڕگەیی
پیری نەقشبەند ھەمرۆڵە ماوا
بۆ یەکێ لە شێخەکانی ھەمرۆڵە
پیری نەقشبەند، ھەمرۆڵە ماوا
نامەی پڕ جامەت، وەلای من یاوا
یا خوا نەناڵۆ، پەنجەو خامەکەت
فەرەح ئەفزا بێ، فەحوای نامەکەت
شەکەرڕێزان بێ، جە وەشی گوفتار
خۆنچەواران بێ، چون وەرزی وەھار
فەرمانت فەرمان، پەرێ جوبرەئیل
من بۆ بە ھادی و ڕانما و دەلیل
تا بە سڵامەت یاوووە مەکان
ئەنجام کارش، سەھل بۆ ئاسان
سەروچەمەکام، بە خاترو تۆ
زووبەزوو کارش، ئەنجام مەوەرۆ
گێڵۆوە وەلات، ئازیزەکەی خۆم!
خەیلێوەن موشتاق، دیای دیەی تۆم
پەرسانت وەزع و ژیواو یانەکەم
داخۆ چەنی بۆ، ئاو و نانەکەم
ھەورامان ماوا، قنیات پیشەنا
دوور جە ھەیاھوو، گێرە و کێشەنا
بڕیەنم تڕو دنیای، والسّلام
زوو تەڵاقم دان، خاتمەی کەلام
سا تۆیچ مەردانە سێ کوچکەش کەرە!
شەھادەت بارە، وێت ڕاحەت کەرە!
تەوەنی وزمێ شۆنیش دوو بە دوو
ھەر یاگێ مەلۆ، بە کێ کەرۆ شوو!
ھەزاران شوکر، ھەزاران سپاس
من نەجاتم بی و گیانم بی خەلاس!
1923
شێوازی MLA & APA بۆ شیعری سەرھێڵ
مەلا حەسەنی دزڵی. «دیوانی مەلا حەسەنی دزڵی/پیری نەقشبەند ھەمرۆڵە ماوا». ڤەژین بوکس. www.vejinbooks.com. سەردانی ڕێکەوتی ٢٠١٩/٠٨/١٧.
ئەگەر لەم دەقەدا ھەڵە یان کەموکۆڕی ھەیە تکایە بۆ ئاگادارکردنەوەمان لەسەر ئەم دوگمەیە کلیک بکە: فۆرمی پەیوەندی.